اما فكرت انى اعمل مدونة .. كان هدفي الاساسي
انى القي مكان للراحة ...وانني القى لي حد
إلقى لك حد .. لو ضاقت بيك يفتح لك قلب
يبقى لك صحبة و أهل و بيت
يناديك لو إنت في يوم ضلّيت
و يشوفك لو ع الخلق داريت
و يحسّك رغم البين و البعد
إلقى لك حد
إلقى لك حلم من الأحلام
ماتسيبش سنينك للأوهام
دي الدنيا ما بين أفراح و آلام
الشوك تسقيه يطرح لك ورد
إلقى لك حد
إلقى لك قلب يحن إليك
و حبيب يشتاق و يروح يرضيك
لو طالت في الأيام لياليك
يبقى لك فجر و شمس و غد
إلقى لك حد
يبقى لك صحبة و أهل و بيت
يناديك لو إنت في يوم ضلّيت
و يشوفك لو ع الخلق داريت
و يحسّك رغم البين و البعد
إلقى لك حد
إلقى لك حلم من الأحلام
ماتسيبش سنينك للأوهام
دي الدنيا ما بين أفراح و آلام
الشوك تسقيه يطرح لك ورد
إلقى لك حد
إلقى لك قلب يحن إليك
و حبيب يشتاق و يروح يرضيك
لو طالت في الأيام لياليك
يبقى لك فجر و شمس و غد
إلقى لك حد
هناك 19 تعليقًا:
أهلا وسهلا بيك معنا في الفضاء
:)
مش عارفة لو ينفع تعتبريني حد من اللي ممكن يكونوا لك بكره وغد
بس أكيد لو طولتي ساسأل من كل بد
تحياتي
سكينة حبيبتى
نورتينى والله وكلامك الجميل حسسنى انى هلاقى حد فعلا وان المدونة هى المنفذ بتاعى على الدنيا
انا يشرفنى حبيبتى انك تكونى الحد
هو انا اطول يا سكيننة
متحرمناش مرورك يا قمر
الف الف مبروك يا فضفضة على المدونة
وحلوة اوى الاغنية دى بتاعة انغام
وياسيتى اعتبرينا كلنا حدود جمع حد يعنى
وارمى حمولك علينا وان شاء الله كلنا هنكون جانبك فى كل اوقاتك
ومستين بعبعاتك يعنى بعبعى هنا ولا يهمك وقولى كل اللى نفسك تقوليه
سلام
اختك خيخة
خيخة حبيبتى نورتى والله
ومش قادرة اوصف فرحتى قد اية انى لقيت ترحيب بينكم
وكده انا خلاص هبعبع بقى
طالما مش هكلم نفسي وهلاقى حد يسمع
نورتى يا قمر ولا تحرمينا الزيارة الحلوة
تعرفى ال\جمل شئ هو انك تلاقيلك حد تفضفضى ليه وتشكيله ويسمعك مجرد انه يسمعك مش اكتر وتحسى ان فيه حد مشاركك افكارك
بدايه موفقه يا فضفضه واهو اسم مدونتك على اسم مدونتى ويا رب يبقو اصحاب واتمنى انك تقدرى تفضفضى واننا نقدر نشاركك فضفضتك
خالص تحياتى
اهلا وسهلا only spot
نورتى المدونة واسعدنى كثير كلامك
زرت مدونتك وعجبتنى جدا
ويشرفنى نتشارك الفضفضة مع بعض
فضفضه
ازيك
الأول بشكرك علي تشريفك ليا بالزياره في مدونتي المتواضعه وأتمني بجد تبقي بدايه لتواصل بيننا
ثانيا ألف مبروك علي المدونه علي فكره انتي من التعليق اللي سبتيه عندي شكلك عندك حس ساخر عالي أوي وان شاء الله هايبقي ليكي شأن في عالم المدونات والمدونين
ثالثا بقي أغنيه أنغام دي بموت فيها أنغام مطربه رائعه بجد
يارب كل واحد بيحلم حلم يلاقاه ويحققه
ألف شكر ليكي مره تانيه والف تحيه وألف تقدير لشخصك الكريم
اهلا مدحت باشا
ازيك
نورت المدونة
وزيارة غالية
وشاكرة تهنئتك بالمدونة الجديدة
وربنا يسهل والقى وقت املاها
نورت كتيييييييير ومتحرمناش الزيارة
فضفضه
دي اول زيارة وان شاء الله هتتكرر كتير
جميله جدا المدونه والبوست علي فكره الاغنيه دي من الاغاني الاانا بحبها اوي
نورتي مدونتي انا لسه مكتشفه التعليق حالا والله
سلاموووووز ياقمر .... وزة
أهلاً بيكي في عيلتك الجديدة
لو على الفضفضة هتلاقي ألف مين يسمعك
الناس هنا أغلبها داخله تفضفض
و هتلاقى كل الأراء و وجهات النظر
و زي ما قالتلك خيخة اعتبرينا كلنا حدود
سلام
كلنا زيك يا فضفضه
كلنا بندور على حد يسمعنا ونسمعه
كلنا اتجهنا للتدوين من كتر ماحنا من جوانا مخنوقين ومكبوتين
وياستي فضفضي براحتك واتكلمي براحتك خالص
واحنا كلنا اخواتك واهلك
يلا بقى عايز الاقي المدونه بتاعتك مليانه مواضيع
سلاموووووووووز
فضفوضة الف مبروك على المدونة وان شاء الله كلنا معاكي واخواتك وكلنا جوااااااااانا كتير وكتير وكتير وجايين هنا بردك ندور على حدود وحدايد يسمعونا ويارب بئه ما يكونوش واقعين على ودانهم ربنا يستر
الف مبروك يا قمر وربنا يوفقك باذن الله
وزة حبيبتي منورة دايما
وشرفتينى
ويارب على طول منورة هنا عندي
نيجرو
نورت المدونة
وانا مبسوطة جدا بالحدود اللى لقيتها بينك
وياريتنى كنت عملت مدونة من زمان نورت
عندي ربنا يخليك يارب
سوووووو ياااااااسوووووووو
كلامك بيرفع معنوياتى جدا والله
الله يخليك يارب
وتشريفك ليا وسام على صدرى
نورررررت
قبلة الحياة
نورتى ومنورة دايما
وانا مش هقعد على ودانى خالص
هسلكها كويس وهاجى لك انتظرينى
انا موافقاكي جدا واسمحيلي اكون صديقتك
وياريت التواصل دائما على مبدأ مدواناتنا
ازيك يا استاذة
اتمنى انك تكونى بخير وسعادة
واشكرك على زيارتك وتعليقك الجميل
اسلوبك جميل جدا وواضح ان فيه حاجات كتير جواكى بتتسابق علشان تطلع
طلعيها بس بلاش تطلعى اللى هيوجعك ..
وهقولك ليه وعن تجربة
الفضفضة احيانا كتير بتعمل عكس المنتظر منها
الناس فاكرة انها لما بتفضفض بترتاح !!
بس العكس صحيح اللى بيفضفض بيطلع كل اللى جواه ويحطه قدامه فبيتوجع اكتر
وربنا يستر وما نردعش تانى للورقة والقلم ونقطعها بعد ما نفضفض
تحياتى يا جميل وربنا يخليلك ابنك
دريم
نورتى
واسعدنى جدا تشريفك
واسعدتنى جدا مدونتك والله
وكلامك جميل وعملي
بس الواحد من كتر اللى شاله فى قلبه سنين
بيقول ان الاوان يطلعه
مهو على الحالتين مش مرتاح
نورت جدا جدا
وتحياااااااتى
إرسال تعليق