انا بأقرع يا جمااااعة ...

بصوا بقى من الاخر

واعتراف رسمي منى


انا عندى عاهة

مستديمة


بس بحاول اعالجها ,,واشفي نفسي منها


والله المستعان...


العاهة دى هى سماع الاغانى ..


طول عمري ..ابطلها ..وارجع لها تانى


وربنا يارب ..يقوينى على شيطاني


وطبعا بما انى رب البيت


وبما ان رب البيت بالدف قائما ...

فشيمة اهل البيت كلهم ..ايه يا حلوين


ايوة برافوا عليكم ..الرقص فعلااااا


ابنى بقى اللى عنده سنتين ..

شيمته الرقص ..وهز الوسط


والظاهر ان ربنا بعته ليا ..

عشان يكون سبب انى ابطل


سماع الاغانى ...


لان الواد الله يهديه ..طالع بلوة مسيحة


وذوقه فى السمع ...يعععععععععع


بلاش اقولكم ...هااااابط هاااااابط هااااااابط

...يا ولدي ...


يعنى الواد يكون بيعيط


وفاتح (الطرنش )

ومحدش يسأل يعنى اية طرنش

المهم انه وهو فاتح الطرنش

على اخره اول ما يسمع


موزة من الموزز بتلعل

يسكت ساااكت وينكتم


وطبعا انا بجيب له على طول

الموزز اول ما يعيط


لدرجة انى فكرت اتعاقد مع موزة

من الموزز براتب شهر


تيجى تقعد معانا لحد ما يكبر كده ويبطل زن


بس خفت احسن اما يكبر

واجى امشيها يطلع لى ابوه


ويزن عشان عايزها !!!


المهم الكلام خدنى وده مش موضوعنا اصلا


موضوعنا انى بقى لما بجيب

قنوات الاغانى اللهم عافينا


بقعد اشوف العلم والتكنولوبيا

وصلوا بينا لفين


وده بشوفه من خلال متابعتى للشات


الموجودة فى الشريط بتاع القناة


وااااااه اااااااااااااااه


بشوف العجب


ومش هقول لكم ...على الانحطاط ولا الانحلال ولا ولا ولا ...


بس عايزة اسأل سؤال ؟


هما ليه الناس كلها !!


بقت ...مدير بنك ... ودكاترة ...

و باشمهندزين ... ورجل اعمال مرموق


وبنت امورة واستايل ... مدير مالي


طب البت اؤشة المنكوشة راحت فين ؟


وابو على بتاع عربية الكبدة راح فين ؟


وسكالانا بتاع الزبالة راح فين ؟


واوعوا حد يقولى

دول معهمشي فلوس يبعتوا رساايل


لان هما دول الوحيدين اللى معاهم فلوس ....


والادهى من كده ...

ان كل الناس اللى سبق ذكرهم


يتراوح سنهم من 20 الي 24

ماااااااااكسمم


والله العظيم بجد يعنى كلهم حلوين..

وزغننين


طيب انا مش ليا حق اتجنن ..


وبعد كل ده


يجي جوزى يسألنى ..

شعرك بيقع ليه ؟!!!!


حاااااااااجة تفلق

تعريف ,,لحزني

الحـــــــــــــزن

هو ان التقيك في زحمة العمر .. وانسج معك اجمل حكاية حب , نعيش تفاصيلها وطقوسها
ونحلم بغد افضل ... ثم تنتهي الحكاية بمأساة

الحــــــــــــــــــــزن

هو ان افتح لك مدن احلامي , واسكن معك في قصر من الخيال ... ثم ينهار القصر علي رأسي

الحـــــــــــــــــــــــزن

هو ان تصبح مع الأيام عيني التي أري بهما , وهوائي الذي اتنفسه ,ودمي الذي اعيش به ... ثم انزفك عند الرحيل دفعة واحدة

الحـــــــــــــــــــــــزن

ان ادمن حبك , وادمن صوتك , وادمن وجودي معك ... ثم افتح عيني علي غيابك

الحـــــــــــــــــــــــزن

ان تتحقق بعد حلم , والتقيك بعد امنية ,وان تأتي بعد انتظار , وان اجدك بعد بحث ... وان استيقظ علي زلزال رحيلك

الحــــــــــــــــــــــــزن

أن تفارق ولا تفارق , فتصمت ويبقي صوتك في اذني , وتغيب وتبقي صورتك في عيني ,وترحل وتبقي انفاسك في قلبي ... وتختفي ويبقي طيفك خلفي يمزقني

الحــــــــــــــــــــــــــزن

أن اغمض عيني فأراك , وأن اخلو بنفسي فأراك , وأن اقف امام المرأة فأراك , وأن المح هداياك فأراك , وأن أقرأ رسائلك فأراك ... وعندما اعود لواقعي لا أراك

الحــــــــــــــــــــــــــزن

أن اجمع البقايا خلفك , وأن ارسم وجهك في سقف غرفتي , وأن احاورك كل ليلة كالمجانين , وأن اشد الرحال أليك عند الحنين ... وأن اعود الي سريري أخر الليل فأبكيك وأبكيك

الحــــــــــــــــــــــــــزن

أن يأتي العيد وأنا وحدي , وأن يأتي الربيع وأنا وحدي , وأن تهطل الامطار وأنا وحدي , وأن يطرق الحنين بابي وأنا وحدي ... أن يمضي بي العمر وأنا وحدي

الحــــــــــــــــــــــــــزن

أن أراك صدفة , وأن يجمعني بك الطريق ذات يوم , فأراك بصحبة غيري , يدك في يده تنظر الي فلا تعرفني ... وعمري خلفك يناديك فلا تسمعه

الحـــــــــــــــــــــــــــزن

أن اكتب فلا يصلك صوتي , وأن اصرخ فلا يصلك صوتي , وأن الفظ أنفاسي فلا أراك ... وأن أموت فيصلك النبأ كالغرباء

انا ليه عملت مدونة

اما فكرت انى اعمل مدونة .. كان هدفي الاساسي

انى القي مكان للراحة ...وانني القى لي حد

إلقى لك حد .. لو ضاقت بيك يفتح لك قلب
يبقى لك صحبة و أهل و بيت
يناديك لو إنت في يوم ضلّيت
و يشوفك لو ع الخلق داريت
و يحسّك رغم البين و البعد
إلقى لك حد
إلقى لك حلم من الأحلام
ماتسيبش سنينك للأوهام
دي الدنيا ما بين أفراح و آلام
الشوك تسقيه يطرح لك ورد
إلقى لك حد
إلقى لك قلب يحن إليك
و حبيب يشتاق و يروح يرضيك
لو طالت في الأيام لياليك
يبقى لك فجر و شمس و غد
إلقى لك حد

افتتاحية

بسم الله الرحمن الرحيم

الحمد لله.. النهاردة .. يوم تاريخى

افتتحت اخيرا.. مدونتى (العن من فتح عكا)

وناوية.. والنية لله

املاها واحشيها.. وابعبع فيها

والله المستعان ..

افتتاحية كده.. زغنونة

وهرجع قريبا.. ان شاء الله

وجرابي مليان ..

هموم وافراح ..واحزان

واكيد الكتاب ..

باين من ..العنوان

دي ..مدونة ..فضفضة

يا انسااااااان ..

سلااااااام